Poema de Manuel María: O ARCO DA VELLA

O ARCO DA VELLA

O arco da vella

no ceo subido

co seu colorín

co seu colorido.

 

O arco da vella

con sete colores

que teñen, no ceo,

 beleza de flores.

 O arco da vella

 no ceo chantado

 co seu colorín,

co seu colorado.

O arco da vella

 é un arco triunfal

con sete guerreiros

que a ninguén fan mal.

 O arco da vella

 de luz feito é.

 ¡Resulta un milagre

que siga de pé!

 Manuel María: «Os soños na gaiola»

Xogamos con Manuel María

Xa que o pasamos tan ben xogando con Manuel María aquí volo deixo para que sigades xogando.

Poema de Manuel maría: O MEU BURRIÑO

¡Arre, corre,

meu burro trotón,

meu burriño manso,

meu burriño bon!

¡Corre meu burriño,

non gallopes, voa!

¡A ver se lle ganas

ao vento que zoa!

¡Arre meu burriño,

non seas perguiceiro!

¡A ver se lle ganas

ao vento lixeiro...!

¡Corre meu burriño,

nos cascos pon ás

! ¡Se queres, ao vento

deixarás atrás...!

¡Arre, meu burriño!

¡Corre máis deprisa!

¡Que se perde o vento

xa verás que risa...!

Manuel María: «Os soños na gaiola»

Unha pequena biografía de Manuel María

Coñecemos máis sobre a India

A India

Poema de Manuel María: O SOL

O sol chámase Lourenzo

e é un señor moi finchado

que está no outo do ceio

todo o día relumbrando.

Vai vestido de marelo,

leva chaleque encarnado.

Moi seguro de se mesmo

o seu calor nos vai dando.

O sol chámase Lourenzo

e é un señor moi señalado.

¡Si non fora polo sol

estaría o mundo xeado!

Soio o sol manda no ceio,

moi solemne, moi barbado.

¡As súas barbas son os raios

con que nos vai alumando!

Manuel María: «Os soños na gaiola»