¡Arre, corre,
meu burro trotón,
meu burriño manso,
meu burriño bon!
¡Corre meu burriño,
non gallopes, voa!
¡A ver se lle ganas
ao vento que zoa!
¡Arre meu burriño,
non seas perguiceiro!
¡A ver se lle ganas
ao vento lixeiro...!
¡Corre meu burriño,
nos cascos pon ás
! ¡Se queres, ao vento
deixarás atrás...!
¡Arre, meu burriño!
¡Corre máis deprisa!
¡Que se perde o vento
xa verás que risa...!
Manuel
María: «Os soños na gaiola»
Ningún comentario:
Publicar un comentario