As tarefas de hoxe

Como no día de onte traballáchedes un montón hoxe faremos unha ficha sinxela: é unha adiviña : despois de que nola lean varias veces temos que colorear a solución ( non podemos colorear todos os animais, so a resposta acertada). Escribimos os nomes dos animais que aparecen ( en castelán e en galego)

Alguén a sabe de memoria? E moi chula e está relacionada coa primavera.

En INFORMÁTICA a profe Bea proponnos que xoguemos con Fantasmín, cos xogos da porta de entrada do castelo.

Tarefas de hoxe

Hoxe temos dúas tarefas:

1. Xogamos a ser agricultores: 

Necesitamos 3 botes de cristal, ou de iogur baleiros,  ou vasos de plástico. Tamén necesitaredes algodón ou papel de cociña.

Nun bote imos plantar lentellas, noutro garavanzos e noutro  faba (botádelle 3 ou 4 de cada).

Metede o algodón ou o papel nos botes ( se son transparentes poderedes mirar como van crecendo), despois poñede as legumes e botádelle un pouco de auga. Deixádeo nun lugar onde lle de a claridade e tendes que mirar que estean sempre un pouco húmidos. Que vos parece se lle poñedes o nome para saber que legume é?

2. A profe María proponnos facer un circuíto :

Marcádeo no chan con xiz  ou co que queirades e recorrelos a pata coxa, de lado, cara atrás,… Cal será o máis chulo?Aquí vos deixo unhas fotos para que teñades unha idea. A ver cal vai ser a máis orixinal ou o máis difícil (recordade enviar fotos).

A profe Ángeles, de relixión, dinos se queremos facer esta ficha de colorear.

Día do TEATRO

A orientadora Ruth recórdanos que hoxe é o día do testro e que hai unha páxina onde se poden ver as obras online , o enlace é: http://teatroteca.teatro.es/opac/#indice

Poderes escoller o tipo de obras que queredes ver. Disfrutádeo

 

Hoxe toca traballar duro

Hoxe imos facer unha pequena ficha para repasar as figuras xeométricas: imos  colorear as figuras ( círculos, cadrados, triángulos e rectángulos) coas cores indicadas. Contamoscantas figuras hai de cada e escribimos o número (algúns xa a fixéchedes)

INGLÉS: a teacher Esther dinos que visualicemos COLOR CREW para traballar as cores, como xa os sabemos tentaremos cantalo e tamén e dicir de que cor son as cousas que nos rodean.

A profe Bea proponnos que vexamos o conto CARABUÑAS :

Unha vez rematado podedes inventan un novo final, facemos o monstro Carabuñas (pode facerse cun rolo de papel hixiénico e la.) Cal será o monstro máis divertido? Cal o máis terrorífico?

Que tal se agora nos conta el (ou ela) o conto de Carabuñas a nós?

Voltamos coa psicomotricidade

A profe María proponnos que xoguemos aos bolos coas botellas e cunha pelota que teñamos na casa.

Para elo imos elaborar os materiais  empregar na sesión de psicomotricidade: colorear con témpera,  con rotuladores permanentes ou pegándolle papeliños ( o que teñades) a  distintas botellas de plástico ou envases dos iogures bebibles. Cales serán os bolos máis creativos?

Quen ten máis puntería? Practicádea.

O coronavirus

Mirade que video máis chulo me enviaron explicando o que pasa co coronavirus:

Votamos de menos a nosa aula

Como votamos de menos o noso cole e a nosa aula, e por suposto, as nosas compañeiras e compañeiros, imos poñer unhas fotos do bonita que está a entrada e como non das MARABILLOSAS VIDRIEIRAS QUE FIXEMOS:

A bolboreta Lita

Hoxe imos a facer unha pequena ficha sobre a primavera: é unha poesía sobre unha bolboreta. 

Algún adulto cha pode ler ( intenta memorizar algunha estrofa ou se foses capaz toda sería xenial) e terás que colorear a bolboreta   (a ver cal será é a máis bonita). Despois escribimos o nome da bolboreta LITA e intentamos debuxar nós unha bolboreta.

A ficha, como vedes é moi sinxela porque senón a podedes imprimir podedes intentar debuxala.

INGLÉS: a teacher Esther dinos que visualicemos COLOR CREW para traballar as cores.

Hoxe facemos o catro

Hoxe a nosa tarefa é colorear as xoaniñas de vermello e o número catro de rosa. 

Repasamos os números catro e os escribimos na liña marcada. Por detrás podedes facer conxuntos de catro elementos. Como sempre se non a podedes imprimir debuxádea (e se queredes podedes debuxar flores en vez de xoaniñas, como vexades).

Como ademais tamén teriamos INFORMÁTICA a profe Bea proponvos que xoguedes un ratiño co xogo “matea calculator” ou co CD do método deste ano.

Os escudos dos nosos apelidos

Os escudos xa están rematados e quedaron preciosos, pero antes de velos dámoslle as grazas a profe María que fixo un marabilloso traballo:

Música: CARLOS NÚÑEZ. Alborada Anterga de Pontevedra, Mayo Longo.

A primavera

Para non esquecernos de que comezou a primavera podemos ver estos vídeos:

Novas vías de comunicación

Mañá ides recibir unha mensaxe polo Abalar na que vos dou o meu correo electrónico e vos pido que vos poñades en contacto conmigo para darme o voso. As tarefas recibirédelas tamén no correo ( penso que é mellor que vos mande o planning semanal para que as adaptedes como queirades) e podedes preguntar calquera dúbida que vos surxa e mandar fotos e imaxes do que están a facer os nenos e nenas (algunha das cales as subirei ao blogue).

Tamén vos enviarei un documento no que vos explico as rutinas que poderedes seguir ( como sabedes o estado de alarma se ampliou polo que non sabemos cando rematará) e unha serie de actividades, xogos e páxinas nas que podedes ver contos, cancións,... por se o precisades e para que vos axuden.

A continuación vos deixo as primeiras páxinas nas que vos explica as rutinas:

Calendario do mes de marzo

Hoxe toca música

Para cambiar un pouco de actividade hoxe cantaremos e bailaremos os "CANTAJUEGOS" que tanto nos gustan. Recordade deixar un pouco de espazo entre vós (como facemos na clase) se o facedes cos vosos irmáns ou incluso se se anima algún maior, ensinádelle como facemos na clase:

Hai unha nova canle

En Clan hai unha nova ferramenta que fixeron, xunta con Anaya, esperemos que vos guste:

Os encargados desta semana "rara"

Os encargados desta semana