Tarefas desta semana

As tarefas do venres

En INGLÉS: a profe Esther pídevos que rematedes a actividade que empezáchedes  o martes. En  ANIMACIÓN Á LECTURA: : a profe Bea proponvos escoitar a audición da adaptación do conto “As pitas baixo a choiva” de Ricardo Carvalho Calero que está colgado no blogue da biblioteca.  e para despois do conto suxírevos as seguintes propostas: https://bibliopadin.blogspot.com/ Proposta 1: Debuxar a parte do conto que máis vos gustara e escribir o título do conto ou o nome e apelidos do autor. Animádevos a facerlle unha  foto e enviala ao blogue da biblioteca para que podamos ver todas e todos o chulos que quedaron: biblioteca.manuelpadintruiteiro@gmail.com   Proposta 2: Aprendemos cousas sobre Ricardo Carvalho Calero xogando: https://view.genial.ly/5eb042186f16bf0d194d52c8/presentation-letras20

O traballo para o xoves

Hoxe propóñovos facer un par de actividades que son moi sinxelas:  Une cada animal coa súa cría e colorea: De que planta é cada un?  Une e colorea: A profe Ana proponvos xogar a camiñar a cegas, para elo temos que colocarlle ao neno (ou nena) un pano nos ollos. Logo darémoslle a man e dirémoslle que se deixen levar. A continuación iremos camiñando a paso lento, atentos aos demais sentidos. Indicádelle que se fixe nos olores, o que sente a través da súa pel, o son dos seus pasos,... Quitádelle o pano e invitádelle a relatar a súa experiencia. Logo, os papeis se intercambian e el/ela fai de guía e o/a adulto/a fai o percorrido.  A profe Aurora lle recorda aos nenos e nenas que van con ela que poden facer os exercicios que facían con ela.

http://www.edu.xunta.gal/centros/ceipmanuelpadintruiteiro/?q=system/files/RECOMENDACI%C3%93NS%20AUDICI%C3%93N%20E%20LINGUAXE%20INFANTIL.pdf

As tarefas do mércores

Hoxe teremos que facer dúas pequenas tarefas: Nesta teredes que rodear as cinco diferenzas. Cantos ovos puxo a galiña? Coloréaos e completa o recadro co número correspondente. A profe Esther  proponvos visionar o vídeo “Charlie the chicken” e facer a actividade que vos explica. (esta é a tarefa semanal polo que podedes distribuila como vós queirades):

As tarefas feitas do martes

Hoxe comezaremos a traballar sobre a obra de Ricardo Carvalho Calero e para iso podedes facer as seguintes actividades:  Nesta ficha tes que colorear de vermello o recadro que ten moitos grans e de verde o que ten poucos.  Agora colorea, recorta e compón o crebacabezas.  A profe Bea suxírevos xogar co Lim de Ricardo Carvalho Calero. http://seminariogalan.org/inicio/ver/461

As vosas tarefas de hoxe luns

Esta semana imos celebrar a Semana das Letras Galegas, que se lle adica a RICARDO CARVALHO CALERO polo que imos a traballar toda esta semana co autor e a súa obra. Hoxe imos a traballar sobre a súa vida polo que vos poden ler esta páxina.: Agora imos a facer dúas páxinas moi sinxelas:  Nesta páxina vas repasar o nome do escritor e a debuxalo.  Agora vas recortar e pegar o cebracabezas coa caricatura de Ricardo Carvalho.  A profe Ana proponvos realizar unha cubiteira, esta actividade consiste na clasificación e seriación con legumes e pasta que teñamos na cas. Imos colocar en cada recipiente un puñado de lentellas, fabas, macarróns, arroz,... e cunha pequena culler teredes que introducir os alimentos nos ocos dunha cubiteira. Algún adulto pode poñer nun folio dúas lentellas, 3 fabas, un macarrón, un garavanzo,... e eles teñen que repetir a serie. Unha vez realizada esta serie cun rotulador rodearán cada elemento e logo contarán cantas legumes, canta pasta,... teñen.

As vosas tarefas semanais